ચાણક્યનીતિ વ્યક્તિને તેના જીવનમાં ડગલે ને પગલે સહારો આપે છે. તે મુશ્કેલીમાં ફસાયેલી વ્યક્તિને બહાર નીકળવાનો માર્ગ બતાવે છે. જીવનમાં આવનારાં દુઃખોથી બચવા માટે ચાણક્યનીતિને ધ્યાનમાં રાખવી જોઈએ.
- સેવકને ત્યારે પરખવો જોઈએ જ્યારે તે કામ ન કરી રહ્યો હોય, સંબંધીઓને મુશ્કેલીઓમાં, મિત્રને સંકટમાં અને પત્નીને ઘોર વિપત્તિમાં.
- સંતુલિત મગજ જેવી કોઈ સાદગી નથી, સંતોષ જેવું કોઈ સુખ નથી, લોભ જેવી કોઈ બીમારી નથી અને દયા જેવું કોઈ પુણ્ય નથી.
- જો કોઈનો સ્વભાવ સારો હોય તો તેને કોઈ બીજા ગુણની શી જરૂર છે? જો વ્યક્તિ પાસે પ્રસિદ્ધિ હોય તો તેને બીજા કોઈ શૃંગારની શી જરૂર છે?
- પરિશ્રમ એ ચાવી છે, જે કિસ્મતનો દરવાજો ખોલી દે છે.
- હે બુદ્ધિમાન લોકો! પોતાનું ધન એમને જ આપો જે તેના યોગ્ય હોય, બીજા કોઈને ન આપશો. વાદળાં દ્વારા લાવવામાં આવેલું સમુદ્રનું જળ હંમેશાં મીઠું હોય છે.
- જે લોકો પરમાત્મા સુધી પહોંચવા ઇચ્છે છે તેમણે વાણી, મન, ઈન્દ્રિયોની પવિત્રતા અને એક દયાળુ હૃદયની જરૂર હોય છે.
- જેનું જ્ઞાાન પુસ્તકો સુધી સીમિત છે અને જેનું ધન બીજાની પાસે છે, તેઓ જરૂર પડે પોતાના જ્ઞાાનનો કે ધનનો પ્રયોગ નથી કરી શકતા.
- જે સુખ-શાંતિ વ્યક્તિને આધ્યાત્મિક શાંતિના અમૃતથી સંતુષ્ટ થવા પર મળે છે તે લાલચુ લોકોને બેચેનીથી આમતેમ ફરવાથી નથી મળતી.
- એક અભણ વ્યક્તિનું જીવન કૂતરાની પૂંછડીની જેમ બેકાર છે, જે પાછળનો ભાગ ઢાંકતી નથી કે ન તો કીડી-મકોડાના ડંખથી બચાવે છે.
- એક ઉત્કૃષ્ટ વાત જે સિંહ પાસેથી શીખી શકાય છે તે એ કે વ્યક્તિ જે કંઈ પણ કરવા ઇચ્છે છે તેને મનથી અને જોરદાર પ્રયાસની સાથે કરે.
- સારસની જેમ એક બુદ્ધિમાન વ્યક્તિએ પોતાની ઈન્દ્રિયો પર નિયંત્રણ રાખવું જોઈએ અને પોતાના ઉદ્દેશને સ્થાનની જાણકારી, સમય અને યોગ્યતા અનુસાર પ્રાપ્ત કરવો જોઈએ.
- પોતાનું ઈમાન અને ધર્મ વેચીને કમાયેલું ધન પોતાના કોઈ કામનું નથી હોતું. તેથી તેનો ત્યાગ કરો. એ જ તમારા માટે ઉત્તમ છે.
No comments:
Post a Comment